കാരാട്ട് ഫൈസലിനെതിരെ ക്രൈംബ്രാഞ്ച് അന്വേഷണം

വാഹന നികുതി വെട്ടിപ്പ് കേസില്‍ കാരാട്ട് ഫൈസലിനെതിരെ ക്രൈംബ്രാഞ്ച് അന്വേഷണം. കൊടുവള്ളി നഗരസഭ കൗൺസിലറാണ് കാരാട്ട് ഫൈസൽ. പോണ്ടിച്ചേരിയിൽ വാഹനം രജിസ്റ്റർ ചെയ്തത് വ്യാജ വിലാസത്തിലാണെന്ന് നേരത്തെ കണ്ടെത്തിയിരുന്നു. കോടിയേരി ബാലകൃഷ്ണന്‍ സിപിഎം യാത്രയില്‍ ഈ വാഹനത്തില്‍ കയറിയതോടെയാണ് ഈ വിഷയം വാര്‍ത്തയാകുന്നത്. സ്വര്‍ണക്കടത്ത് കേസിലെ പ്രതിയുടെ കാറില്‍ സഞ്ചരിച്ചതാണ് വിവാദമായത്. പുതുച്ചേരി രജിസ്ട്രേഷന്‍ വണ്ടി കൊടുവള്ളിയില്‍ ഉപയോഗിച്ചതിന് നേരത്ത ഫൈസലിന് മോട്ടോര്‍വാഹന വകുപ്പ് നോട്ടീസയച്ചിരുന്നു.