സജി ബഷീറിന്റെ വിധിക്കെതിരെ അപ്പീല്‍ പോകുമെന്ന് വ്യവസായവകുപ്പ് മന്ത്രി

കെല്‍പാം മുന്‍ എംഡി സജി ബഷീറിന് നിയമനം നല്‍കണമെന്ന ഹൈക്കോടതി വിധിക്കെതിരെ അപ്പീല്‍ നല്‍കുമെന്ന് വ്യവസായവകുപ്പ് മന്ത്രി എ.സി മൊയ്തീന്‍ പറഞ്ഞു. അഴിമതിക്കാരെ അധികാരത്തില്‍ വച്ചുപൊറുപ്പിക്കില്ലെന്നും മന്ത്രി പറഞ്ഞു. നിരവധി വിജിലന്‍സ് കേസുകളില്‍ അന്വേഷണം നേരിടുന്ന സജി ബഷീറിന് സര്‍ക്കാര്‍ നിയമനങ്ങള്‍ നല്‍കാന്‍ കഴിയില്ലെന്ന് കാണിച്ച് കോടതിയില്‍ സര്‍ക്കാര്‍ പുനഃപരിശോധന ഹര്‍ജി നല്‍കിയിരുന്നു. സര്‍ക്കാര്‍ നല്‍കിയ ഹര്‍ജി കോടതി ഇന്ന് തള്ളി കളയുകയായിരുന്നു. സര്‍ക്കാര്‍ ഹര്‍ജി തള്ളി കളഞ്ഞ് സജി ബഷീറിന് നിയമനം നല്‍കണമെന്ന കോടതി വിധിക്കെതിരെയാണ് അപ്പീല്‍ നല്‍കുമെന്ന് വ്യവസായ വകുപ്പ് മന്ത്രി പറഞ്ഞത്.