സജി ബഷീറിനെ നിയമിക്കണമെന്ന് കോടതി

കെല്‍പാം മുന്‍ എംഡി സജി ബഷീറിനെ വീണ്ടും നിയമിക്കണമെന്ന് ഹൈക്കോടതി. സജി ബഷീറിന്റെ നിയമനവുമായി ബന്ധപ്പെട്ട് സര്‍ക്കാര്‍ നല്‍കിയ പുനഃപരിശോധന ഹര്‍ജി ഹൈക്കോടതി തള്ളി. പുനഃപരിശോധന ഹര്‍ജിയില്‍ നേരത്തേ ഉന്നയിക്കാത്ത കാര്യങ്ങള്‍ ഉന്നയിച്ചിട്ടുണ്ടെന്നും കോടതി നിരീക്ഷിച്ചു. വിജിലന്‍സ് അന്വേഷണം നിലനില്‍ക്കുന്നതിനാല്‍ സജി ബഷീറിനെ നിയമിക്കാനാവില്ലെന്നായിരുന്നു സര്‍ക്കാര്‍ സമര്‍പ്പിച്ച ഹര്‍ജിയില്‍ പറഞ്ഞിരുന്നത്.