ആജീവനാന്ത വിലക്കിനെതിരെ ശ്രീശാന്ത് സുപ്രീം കോടതിയില്
ഒത്തുകളിക്കേസില് ബിസിസിഐയുടെ ആജീവനാന്ത വിലക്കിനെതിരെ ക്രിക്കറ്റ് താരം ശ്രീശാന്ത് സുപ്രീം കോടതിയില് ഹര്ജി നല്കി. കായിക താരമായ തന്റെ മൗലിക അവകാശങ്ങളെ ഹനിക്കുന്നതാണ് ബിസിസിഐയുടെ നടപടിയെന്ന് ഹര്ജിയില് ശ്രീശാന്ത് ചൂണ്ടിക്കാട്ടി. ശ്രീശാന്തിന്റെ ഹര്ജി തിങ്കളാഴ്ച പരിഗണിക്കുമെന്ന് സുപ്രീം കോടതി ചീഫ് ജസ്റ്റിസ് ദീപക് മിശ്ര വ്യക്തമാക്കി. നേരത്തെ, ശ്രീശാന്തിനു ബോർഡ് ഓഫ് കണ്ട്രോൾ ഫോർ ക്രിക്കറ്റ് ഇൻ ഇന്ത്യ(ബിസിസിഐ) ഏർപ്പെടുത്തിയ ആജീവനാന്ത വിലക്ക് റദ്ദാക്കിയ സിംഗിൾ ബെഞ്ച് ഉത്തരവ് ഹൈക്കോടതി ഡിവിഷൻ ബെഞ്ച് റദ്ദാക്കിയിരുന്നു. വിലക്കു നീക്കിയ സിംഗിൾ ബെഞ്ചിന്റെ ഉത്തരവിനെതിരേ ബിസിസിഐ നൽകിയ അപ്പീൽ അനുവദിച്ചായിരുന്നു ചീഫ് ജസ്റ്റീസ് ഉൾപ്പെട്ട ഡിവിഷൻ ബെഞ്ചിന്റെ തീരുമാനം. ഐപിഎൽ വാതുവയ്പു കേസിൽ പ്രതിയായതിനെത്തുടർന്നാണു ശ്രീശാന്തിനു വിലക്കേർപ്പെടുത്തിയിരുന്നത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here