പ്രായപൂർത്തിയായവർ വിവാഹിതരായാൽ അതിൽ ആർക്കും ഇടപെടാൻ അവകാശമില്ല: സുപ്രീം കോടതി

പ്രായപൂർത്തിയായവർ വിവാഹിതരായാൽ മാതാപിതാക്കൾ അടക്കം മറ്റാർക്കും ഇടപെടാൻ അവകാശമില്ലെന്ന് സുപ്രീം കോടതി. വാക്കാലുള്ള പരാമർശമാണ് കോടതി നടത്തിയത്.

കുടുംബത്തെ അപമാനിക്കുന്നതിൻറെ പേരിൽ വിവാഹിതരാകാൻ തയ്യാറാകുന്നവരെയും കുടുംബാംഗങ്ങളേയും കൊല്ലുന്ന സംഭവങ്ങൾ ഏറിവരികയാണെന്നും ഇത് നിരോധിക്കണമെന്നും ആവശ്യപ്പെട്ട് സമർപ്പിച്ച ഹർജി പരിഗണിക്കുമ്പോഴാണ് ചീഫ് ജസ്റ്റിസ് ദീപ മിശ്രയുടെ ഈ പരാമർശം.

പ്രായപൂർത്തിയായവർ വിവാഹിതരായാൽ അക്കാര്യത്തിൽ മാതാപിതാക്കൾക്കോ സമൂഹത്തിനോ മറ്റേതെങ്കിലും സംഘടനയ്‌ക്കോ വ്യക്തികൾക്കോ ഇടപെടാൻ അവകാശമില്ലെന്നും മിശ്ര കൂട്ടിച്ചേർത്തു.