നടിയെ ആക്രമിച്ച കേസ്; വനിതാ ജഡ്ജി വേണമെന്ന് പോലീസ്

നടിയെ ആക്രമിച്ച കേസില്‍ വനിതാ ജഡ്ജി വേണമെന്ന് പോലീസ്. കേസിന്റെ വിചാരണ എറണാകുളം സെഷന്‍സ് കോടതിയിലേക്ക് മാറ്റിയിരുന്നു. ഇതിന് പിന്നാലെയാണ് പോലീസ് വിചാരണയ്ക്ക് വനിതാ ജഡ്ജി വേണമെന്ന് ഹൈക്കോടതിയോട് ആവശ്യപ്പെടുന്നത്. കേസിന്റെ വിചാരണ വേഗത്തിലാക്കണമെന്നും പോലീസ് ആവശ്യപ്പെടും.  നടിയെ ആക്രമിച്ചതിന്റെ ദൃശ്യങ്ങള്‍ വേണമെന്ന് ദിലീപിന്റെ ഹര്‍ജി ഇന്ന് കോടതി തള്ളിയിരുന്നു. അങ്കമാലി മജിസ്ട്രേറ്റ് കോടതിയാണ് ഹര്‍ജി തള്ളിയത്. ദൃശ്യങ്ങള്‍ കൈമാറുന്നത് ഇരയുടെ ഭാവി ജീവിതത്തെ ബാധിക്കുമെന്നായിരുന്നു പ്രോസിക്യൂഷന്‍ വാദം.