പാറ്റൂര്‍ കേസിലെ വിധിയില്‍ സന്തോഷമുണ്ടെന്ന് ഭരത് ഭൂഷണ്‍

പാറ്റൂര്‍ ഭൂമി ഇടപാട് കേസിലെ ഹൈക്കോടതി വിധിയില്‍ തനിക്ക് സന്തോഷമുണ്ടെന്ന് മുന്‍ ചീഫ് സെക്രട്ടറി ഇ.കെ ഭരത് ഭൂഷണ്‍. പാറ്റൂര്‍ കേസില്‍ വിജിലന്‍സ് പ്രതിചേര്‍ത്തിയിരുന്ന വ്യക്തിയാണ് മുന്‍ ചീഫ് സെക്രട്ടറിയായ ഭരത് ഭൂഷണ്‍. വിജിലന്‍സ് കേസ് നിലനില്‍ക്കില്ലെന്ന് വിധിച്ച കോടതി കേസ് റദ്ദാക്കുകയായിരുന്നു ഇന്ന്. അതേ തുടര്‍ന്നായിരുന്നു ഭരത് ഭൂഷന്റെ പ്രതികരണം.  രാഷ്ട്രീയക്കളിയിൽ കരുവായെന്ന് സംശയിക്കുന്നുവെന്നും പൊതു ജനത്തിന്‍റെ മുൻപിൽ കുറ്റക്കാരനാക്കിയതിൽ ദുഃഖമുണ്ടെന്നും അദ്ദേഹം പറഞ്ഞു. ഉപ്പു തിന്നവൻ വെള്ളം കുടിക്കുമെന്നാണ് ഡിജിപി ജേക്കബ് തോമസിനെ കുറിച്ച് ഭരത് ഭൂഷന്‍റെ പ്രതികരണം.