സൗദി ടെലികോം മേഖലയിൽ സ്വദേശിവത്കരണം ഊർജ്ജിതമാക്കാൻ തീരുമാനം

സൗദി ടെലികോം മേഖലയിൽ സ്വദേശിവത്കരണം ഊർജ്ജിതമാക്കാൻ തീരുമാനം. സ്വദേശിവത്കരണത്തിനായി തൊഴിൽ മന്ത്രാലയവും ടെലികോം മന്ത്രാലയവും ധാരണയിൽ ഒപ്പുവെച്ചു. വനിതകൾക്കടക്കം കൂടുതൽ തൊഴിലവസരങ്ങൾ സൃഷ്ടിക്കുകയാണ് ലക്ഷ്യം.

തൊഴിൽ മന്ത്രി ഡോക്ടർ അലി ബിൻ നാസിർ അൽഗഫീസ്, ടെലികോം മന്ത്രി എഞ്ചിനീയർ അബ്ദുല്ല ബിൻ ആമിർ അസ്സവാഹ എന്നിവരാണ് കരാറിൽ ഒപ്പുവെച്ചത്.സ്വകാര്യ മേഖലയിലെ സ്വദേശിവത്കരണം ശക്തമാക്കുക, സ്വദേശി യുവാക്കൾക്ക് കൂടുതൽ തൊഴിലവസരം സൃഷ്ടിക്കുക, തൊഴിൽ മേഖലയിൽ സ്ത്രീ സാന്നിധ്യം വർധിപ്പിക്കുക, പുതുതായി ജോലിക്കത്തെുന്നവർക്ക് ആവശ്യമായ പരിശീലനം നൽകുക എന്നിവ കരാറിന്റെ ഭാഗമാണ്.

saudization