സര്‍വകക്ഷി സമാധാന യോഗത്തിനെതിരെ മുസ്ലീം ലീഗ്

കണ്ണൂർ: കണ്ണൂരിൽ ബുധനാഴ്ച നടക്കാനിരിക്കുന്ന സർവകക്ഷി സമാധാന യോഗത്തിൽ യുഡിഎഫ് പങ്കെടുക്കരുതെന്ന് മുസ്ലീംലീഗ് ജനറൽ സെക്രട്ടറി കെപിഎ മജീദ്. മുഖ്യമന്ത്രിയാണ് സമാധാന യോഗം വിളിക്കേണ്ടത്. ബുധനാഴ്ചത്തെ യോഗം പ്രഹസനമെന്നും മജീദ് മാധ്യമങ്ങളോട് പറഞ്ഞു. നാളെയാണ് കണ്ണൂരില്‍ സര്‍വകക്ഷി സമാധാനയോഗം നടക്കുന്നത്. മുഖ്യമന്ത്രിയാണ് യോഗം നടത്താന്‍ തീരുമാനമെടുത്തതെങ്കിലും അദ്ദേഹം യോഗത്തില്‍ പങ്കെടുക്കില്ലെന്ന് അറിയിച്ചിരുന്നു. മന്ത്രി എ.കെ. ബാലനാണ് നാളെ നടക്കുന്ന ചര്‍ച്ചയില്‍ അധ്യക്ഷത വഹിക്കുക. യോഗത്തില്‍ പങ്കെടുക്കുമെന്ന് പ്രതിപക്ഷ നേതാവ് രമേശ് ചെന്നിത്തല ഇന്നലെ പറഞ്ഞിരുന്നു.