ഷുഹൈബ് കൊലപാതകം; കെ. സുധാകരന്‍ നിരാഹാരം അവസാനിപ്പിക്കുന്നു

കണ്ണൂരില്‍ യൂത്ത് കോണ്‍ഗ്രസ് പ്രവര്‍ത്തകന്‍ ഷുഹൈബ് കൊലചെയ്യപ്പെട്ട കേസ് സിബിഐ അന്വേഷിക്കണമെന്ന് ആവശ്യപ്പെട്ട് മുതിര്‍ന്ന കോണ്‍ഗ്രസ് നേതാവ് കെ. സുധാകരന്‍ നടത്തുന്ന നിരാഹാര സമരം നാളെ അവസാനിപ്പിക്കും. സിബിഐ അന്വേഷണം ആവശ്യപ്പെട്ട് നാളെ ഹൈക്കോടതിയില്‍ ഹര്‍ജി നല്‍കിയതിന് ശേഷമായിരിക്കും നിരാഹാര സമരം അവസാനിപ്പിക്കുക. സിബിഐ അന്വേഷണം ആവശ്യപ്പെട്ടുള്ള കോണ്‍ഗ്രസിന്റെ പ്രതിഷേധം യുഡിഎഫ് മുന്നണി ഏറ്റെടുക്കും. യുഡിഎഫിന്റെ നേതൃത്വത്തില്‍ കൂടുതല്‍ പ്രതിഷേധ പരിപാടികള്‍ നടത്തുമെന്നും നേതാക്കള്‍ അറിയിച്ചു. അഡ്വ. ടി. ആരീഫ് അലി ഹൈക്കോടതിയില്‍ സിബിഐ അന്വേഷണം ആവശ്യപ്പെട്ട് ഹര്‍ജി നല്‍കും. സുധാകരന്‍ നിരാഹാരം ആരംഭിച്ചിട്ട് എട്ടാം ദിവസമാണ് ഇന്ന്.