ചാലിയാറിൽ കണ്ടെത്തിയ ബ്ലൂ ഗ്രീൻ ആൽഗ ഇരുവഞ്ഞി പുഴയിലേക്കും പടരുന്നു

ചാലിയാർ പുഴയിൽ കണ്ടെത്തിയ ബ്ലൂ ഗ്രീൻ ആൽഗെ സമീപത്തെ പുഴകളിലേക്കും പടരുന്നു. ഇരുവഞ്ഞിപുഴയിലാണ് ബ്ലൂ ഗ്രീൻ ആൽഗെ എന്ന പേരിൽ അറിയപ്പെടുന്ന സൈനോ ബാക്ടീരിയ സൂക്ഷ്മാണുക്കൾ കണ്ടെത്തിയത്.

വെള്ളത്തിൻറെ ഒഴുക്ക് നിലച്ചതാണ് ആൽഗെ പടരാൻ കാരണമെന്ന് ശാസ്ത്രജ്ഞർ പറയുന്നു. വെള്ളത്തിൻറെ സാമ്പിൾ സിഡബ്ലുആർഡിഎമ്മിലെ ശാസ്ത്രജ്ഞർ ശേഖരിച്ചു.

സൈനോ ബാക്ടീരിയ വളരുന്നത് വെള്ളത്തിലെ ഓക്‌സിജൻറെ അളവ് കുറയാൻ ഇടയാക്കും. മത്സ്യസമ്പത്തിനടക്കം ഭീഷണിയാണ് ഈ ആൽഗെയുടെ സാന്നിധ്യം.