ഷുഹൈബ് വധം; സര്‍ക്കാറിന് ഹൈക്കോടതിയുടെ വിമര്‍ശനം

ഷുഹൈബിന്റെ വധത്തില്‍ സര്‍ക്കാറിന് ഹൈക്കോടതിയുടെ രൂക്ഷ വിമര്‍ശനം. കണ്ണൂരിലെ കൊലപാതകങ്ങള്‍ക്ക് പിന്നിലെ ഗൂഢാലോചന പുറത്ത് വരാറില്ല. ഗൂഢാലോചനയെ കുറിച്ച ഫലപ്രദമായി അന്വേഷിക്കുന്നില്ല. ഷുഹൈബിനെ കൊല ചെയ്തവരുടെ ലക്ഷ്യമെന്തായിരുന്നുവെന്നും കോടതി ചോദിച്ചു. പ്രതികള്‍ക്ക് ഷുഹൈബുമായി വ്യക്തി വൈരാഗ്യം ഉണ്ടായിരുന്നുവെന്നാണ് സര്‍ക്കാര്‍ കോടതിയെ ബോധ്യപ്പെടുത്തിയത്.  സിബിഐ അന്വേഷണം ആവശ്യപ്പെട്ടുള്ള ഹര്‍ജി ഡിവിഷന്‍ ബഞ്ചാണ് കേള്‍ക്കേണ്ടതെന്നും സര്‍ക്കാര്‍ വാദിച്ചു. താന്‍ ഈ  കേസ്  കേള്‍ക്കരുതെന്നാണോ സര്‍ക്കാറിന്റെ ആവശ്യമെന്ന്  ജസ്റ്റിസ് കമാല്‍ പാഷെ ചോദിച്ചു.