ഷുഹൈബ് കൊലപാതകം; അന്തിമ റിപ്പോര്‍ട്ട് സമര്‍പ്പിച്ചുവെന്ന് സര്‍ക്കാര്‍

കണ്ണൂര്‍ ഷുഹൈബ് കൊലപാതകത്തില്‍ അന്വേഷണം പൂര്‍ത്തിയായെന്ന് അന്വേഷണസംഘം. അന്വേഷണം പൂര്‍ത്തിയായതായി റിപ്പോര്‍ട്ട് സമര്‍പ്പിച്ചെന്ന് സര്‍ക്കാര്‍ ഹൈക്കോടതിയെ അറിയിച്ചു. കേസില്‍ സിബിഐ അന്വേഷണത്തിന് ഉത്തരവിട്ട സിംഗിള്‍ ബെഞ്ച് ഉത്തരവ് ഡിവിഷന്‍ ബെഞ്ച് നേരത്തേ തടഞ്ഞിരുന്നു. രണ്ട് മാസം കഴിഞ്ഞ് കേസ് വീണ്ടും പരിഗണിക്കും. സുപ്രീം കോടതിയില്‍ നിലനില്‍ക്കുന്ന അപ്പീല്‍ തീര്‍പ്പാക്കുന്ന മുറയ്ക്കാകും കേസ് വീണ്ടും പരിഗണിക്കുക.