സംസ്ഥാന ചലച്ചിത്ര പുരസ്‌കാരം; മികച്ച ഗായകൻ ഷഹബാസ് അമൻ; മികച്ച ഗായിക സിത്താര കൃഷ്ണ കുമാർ

മികച്ച ഗായകനുള്ള സംസ്ഥാന സർക്കാരിന്റെ പുരസ്‌കാരം ഷഹബാസ് അമന് ലഭിച്ചു. മായാനദിയിലെ മിഴിയിൽ നിന്നും എന്ന ഗാനത്തിനാണ് പുരസ്‌കാരം ലഭിച്ചത്. സിത്താര കൃഷ്ണകുമാറാണ് മികച്ച ഗായിക. വിമാനം എന്ന ചിത്രത്തിലെ വാനമകലുന്നുവോ എന്ന ഗാനത്തിനാണ് പുരസ്‌കാരം ലഭിച്ചത്. മികച്ച സംഗീത സംവിധായകനായി എംകെ അർജുനനെ തെരഞ്ഞെടുത്തു.

മികച്ച പശ്ചാത്തല സംഗീതത്തിന് ഗോപി സുന്ദറും പുരസ്‌കാരം നേടി. ടേക്ക് ഓഫാണ് ഗോപി സുന്ദറിന് അവാർഡ് നേടിക്കൊടുത്ത ചിത്രം.