സോളാർ തട്ടിപ്പിൽ ഉമ്മൻ ചാണ്ടിക്ക് പങ്കുണ്ടെന്ന് സർക്കാർ

സോളാർ തട്ടിപ്പിൽ ഉമ്മൻ ചാണ്ടിക്ക് പങ്കുണ്ടെന്ന് സർക്കാർ. കമ്മിഷൻ ഉമ്മൻ ചാണ്ടിക്ക് നോട്ടീസയച്ചത് തെളിവുകളുടെ അടിസ്ഥാനത്തിലാണ്. സരിതയുടെ കത്തിന്റെ അടിസ്ഥാനത്തിൽ മാത്രമായിരുന്നില്ല നോട്ടീസ് അയച്ചത്. ടീം സോളാർ കമ്പനിയെ ഉമ്മൻ ചാണ്ടിയുടെ ഓഫീസ് സഹായിച്ചതിന് തെളിവുണ്ട്. ടെലഫോൺ രേഖകളും സാക്ഷിമൊഴികളും കമ്മീഷൻ കണക്കിലെടുത്തിട്ടുണ്ട്. ഉമ്മൻ ചാണ്ടിക്ക് സരിതയെ അറിയാം. പൊതുവേദിയിൽ സരിതയുമൊത്തുള്ള ഉമ്മൻ ചാണ്ടിയുടെ ചിത്രമുണ്ട്. ഉമ്മൻ ചാണ്ടിയുടെ ഓഫീസ് സ്റ്റാഫിന് സരിതയെ അറിയാം. ഉമ്മൻ ചാണ്ടിയുടെ ഓഫീസിലെ ചില തെളിവുകൾ നശിപ്പിച്ചിട്ടുണ്ടെന്നും സർക്കാരിനു വേണ്ടി ഹാജരായ മുതിർന്ന അഭിഭാഷകൻ രഞ്ജിത് കുമാർ കോടതിയിൽ ബോധിപ്പിച്ചു.