ഹാദിയ കേരളത്തിലേക്ക്

ഹാദിയയും ഷെഫിന്‍ ജഹാനും തമ്മിലുള്ള വിവാഹം സാധുവാണെന്ന് സുപ്രീം കോടതി വിധിച്ചതിനു പിന്നാലെ ഹാദിയ കേരളത്തിലേക്ക് എത്തുന്നു. ഷെഫിനുമായുള്ള വിവാഹബന്ധം തുടരാമെന്ന് സുപ്രീം കോടതി വിധിച്ചതിനാലാണ് ഹാദിയ സേലത്തു നിന്ന് കേരളത്തിലേക്ക് എത്തുന്നത്. ഷെഫിന്‍ ജഹാന്‍ എത്തിയാണ് ഹാദിയയെ മലപ്പുറത്തേക്ക് കൊണ്ടുവരുന്നത്. ഹാദിയയും ഷെഫിനും ചേര്‍ന്ന് നാളെ മാധ്യമങ്ങളെ കാണുമെന്നും അറിയിച്ചിട്ടുണ്ട്. ഇരുവരുടെയും വിവാഹം റദ്ദാക്കിയുള്ള ഹൈക്കോടതി വിധി സുപ്രീം കോടതി ഇന്നലെയാണ് റദ്ദാക്കിയത്. ഇരുവര്‍ക്കും ഒന്നിച്ച് ജീവിക്കാമെന്നും സുപ്രീം കോടതി വിധിച്ചിട്ടുണ്ട്.