രണ്ട് കുട്ടി നയം; നിര്‍ദ്ദേശങ്ങള്‍ നല്‍കാന്‍ കഴിയില്ലെന്ന് സുപ്രീം കോടതി

രണ്ട് കുട്ടികള്‍ മതിയെന്ന നയത്തില്‍ ഇടപെടാന്‍ കഴിയില്ലെന്ന് സുപ്രീം കോടതി. രണ്ട് കുട്ടികള്‍ മാത്രമേ പാടൂ എന്ന് നിഷ്‌കര്‍ഷിക്കാന്‍ കോടതിക്ക് കഴിയില്ല. നയപരമായ വിഷയങ്ങളില്‍ കോടതിയല്ല നിര്‍ദ്ദേശങ്ങള്‍ നല്‍കേണ്ടത്. ഇത്തരം വിഷയങ്ങളില്‍ തീരുമാനമെടുക്കേണ്ടത് പാര്‍ലമെന്റില്‍ ചര്‍ച്ച നടത്തിയ ശേഷമാണ്. രണ്ട് കുട്ടികള്‍ മതിയെന്ന് നിര്‍ദ്ദേശിക്കണമെന്ന് ആവശ്യപ്പെട്ട് സമര്‍പ്പിച്ച പൊതുതാല്‍പര്യ ഹര്‍ജി സുപ്രീം കോടതി തള്ളികളയുകയും ചെയ്തു.