റാഫേല്‍ വിമാനങ്ങളുടെ വില സര്‍ക്കാര്‍ പുറത്തുവിട്ടു

റാഫേല്‍ വിമാനങ്ങളുടെ വില കേന്ദ്രസര്‍ക്കാര്‍ പുറത്ത് വിട്ടു. ഒരു വിമാനത്തിന് 670 കോടി രൂപയാണ് ചെലവെന്ന് സര്‍ക്കാര്‍ അറിയിച്ചു. മറ്റ് ഉപകരണങ്ങളോ സര്‍വ്വീസ് ചാര്‍ജോ കൂടാതെ ഉള്ള വിലയാണിത്. ആദ്യമായാണ് റാഫേല്‍ അഴിമതി ആരോപണത്തില്‍ കേന്ദ്രസര്‍ക്കാര്‍ വിശദീകരണം നല്‍കുന്നത്. റാഫേല്‍ യുദ്ധ വിമാനങ്ങളുടെ ചെലവ് സര്‍ക്കാര്‍ പുറത്തുവിടാത്തത് അഴിമതി ഉള്ളതുകൊണ്ടാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി പലതവണകളിലായി വിമര്‍ശനമുന്നയിച്ചിരുന്നു.