ഹര്‍ത്താല്‍ അനുകൂലികള്‍ ബൈക്കിന് മുന്‍പിലേക്ക് ചാടി; അച്ഛനും മകള്‍ക്കും പരിക്ക്‌

ഹർത്താൽ അനുകൂലികൾ ബൈക്കിനു മുൻപിലേക്ക് ചാടി ബൈക്ക് മറിഞ്ഞ് റിട്ടയേർഡ് എസ്.ഐയ്ക്കും മകൾക്കും പരിക്കേറ്റു. ചാലക്കുടി എസ്.ബി.ടിയ്ക്കു മുൻപിലാണു സംഭവം. റിട്ടയേർഡ് എസ്.ഐ. കുറ്റിക്കാട് വി.കെ. ചാക്കപ്പൻ, മകൾ അനില എന്നിവർക്കാണു പരിക്കേറ്റത്. ഇവരെ പോട്ട ധന്യ ആശുപത്രിയിൽ പ്രവേശിപ്പിച്ചു. ചാക്കപ്പന്റെ കാൽവിരലിന്റ എല്ലു പൊട്ടിയിട്ടുണ്ട്. അനിലയ്ക്ക് കാൽമുട്ടിനാണ് പരുക്ക്. ഇന്ന് രാവിലെ 10നാണ് സംഭവം. ചാലക്കുടി പൊലീസ് കേസെടുത്തു.