തമിഴ്‌നാട്ടില്‍ പ്രതിഷേധം കനക്കുന്നു; ‘#ഗോ ബാക്ക് മോദി’ ഹാഷ് ടാഗ് ട്രെന്‍ഡിംഗ്

കാ​വേ​രി വി​ഷ​യ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കു​നേ​രെ വ​ൻ പ്ര​തി​ഷേ​ധ​വു​മാ​യി ത​മി​ഴ് സം​ഘ​ട​ന​ക​ൾ. ചെ​ന്നൈ​യി​ൽ ഡി​ഫ​ൻ​സ് എ​ക്സ്പോ ഉ​ദ്ഘാ​ട​ന​ത്തി​നാ​യി എ​ത്തി​യ പ്ര​ധാ​ന​മ​ന്ത്രി​യെ ക​രി​ങ്കൊ​ടി​ക​ളും ക​റു​ത്ത ബ​ലൂ​ണു​ക​ളും ഉ​യ​ർ​ത്തി​യാ​ണ് ത​മി​ഴ്നാ​ട് സ്വീ​ക​രി​ച്ച​ത്. ഗോ ​ബാ​ക്ക് മോ​ദി എ​ന്ന ഹാ​ഷ് ടാ​ഗ് ട്വി​റ്റ​റി​ൽ ട്രെ​ൻ​ഡിം​ഗ് ആ​യി. കാ​വേ​രി മാ​നേ​ജ്മെ​ന്‍റ ബോ​ർ​ഡ് രൂ​പീ​ക​രി​ക്കു​ന്ന​തി​ൽ കേ​ന്ദ്രം വി​മു​ഖ​ത കാ​ണി​ക്കു​ന്ന​തി​നെ​തി​രെ​യാ​യി​രു​ന്നു ത​മി​ഴ്നാ​ടി​ന്‍റെ പ്ര​തി​ഷേ​ധം.

പ്രതിരോധ മന്ത്രാലയത്തിന്റെ സൈനിക പ്രദര്‍ശനം ഡിഫന്‍സ് എക്‌സ്‌പോ 2018 ഉദ്ഘാടനം ചെയ്യാനാണ് മോദി ഇന്ന് രാവിലെ ചെന്നൈയിലെത്തിയത്. കനത്ത സുരക്ഷയിലാണ് മോദി വിമാനത്താവളത്തില്‍ എത്തിയത്. വിമാനത്താവളത്തിന് പുറത്തും രാജ്ഭവനിലും മോദിക്കെതിരെ പ്രതിഷേധവുമായി നിരവധി പേര്‍ അണിനിരന്നിരുന്നു.