ഉത്തർ പ്രദേശിൽ പെൺകുട്ടിയെ ജീവനോടെ കത്തിച്ചു

ഉത്തർപ്രദേശിൽ സ്ത്രീകൾക്കെതിരെയുള്ള അതിക്രമം തുടർക്കഥയാകുന്നു. ഉത്തർപ്രദേശിലെ കാൺപൂരിൽ പെൺകുട്ടിയെ ജീവനോടെ കത്തിച്ചു. പൊതുപൈപ്പിൽ നിന്നും വെള്ളം എടുക്കാൻ ശ്രമിച്ച പ്രായപൂർത്തിയാവാത്ത പെൺകുട്ടിയെ മർദ്ദിച്ച് അവശയാക്കിയ ശേഷമാണ് കത്തിച്ചത്.

കാ​ണ്‍​പു​രി​ല്‍ ദെ​ഹാ​ത് ജി​ല്ല​യി​ലെ ബൈ​ന​എന്ന സ്ഥലത്ത് ശ​നി​യാ​ഴ്ച രാ​ത്രി​യാ​യി​രു​ന്നു സം​ഭ​വം. ബൈ​ന​യി​ലെ ര​മേ​ഷ് ബാ​ബു ധോ​രെയുടെ മ​ക​ൾ നി​ധി ധോരെ​യാ​ണ് അ​തി​ക്ര​മ​ത്തി​നു ഇ​ര​യാ​യ​ത്. അ​ഞ്ചു പേ​ർ ചേ​ർ​ന്നാ​ണ് നി​ധി​യെ ആ​ക്ര​മി​ച്ച​ത്. ഗു​രു​ത​രമായി ​പ​രി​ക്കേ​റ്റ പ​തി​നാ​റു​കാ​രി​ തീവ്രപരിചരണ വിഭാഗത്തില്‍ ചികിത്സയിലാണ്.

കു​ഴ​ൽ​ക്കി​ണ​റി​ൽ​നി​ന്നും വെ​ള്ളം എ​ടു​ക്കാ​ൻ ശ്ര​മി​ച്ച നി​ധി​യെ അഞ്ചംഗ സംഘം ത​ട​യു​ക​യാ​യി​രു​ന്നു. വെ​ള്ളം എ​ടു​ക്ക​രു​തെ​ന്നു ക​ർ​ശ​ന​മാ​യി പ​റ​ഞ്ഞെ​ങ്കി​ലും നി​ധി ഇ​ത് അ​വ​ഗ​ണി​ച്ചു. ഇ​തോ​ടെ യു​വാ​ക്ക​ൾ പെ​ൺ​കു​ട്ടി​യെ മ​ർ​ദി​ക്കു​ക​യാ​യി​രു​ന്നു. അ​വ​ശ​യാ​യ പെ​ൺ​കു​ട്ടി​യെ പിന്നീട് മ​ണ്ണെ​ണ്ണ ഒ​ഴി​ച്ച് ക​ത്തി​ക്കു​ക​യും ചെ​യ്തു. സം​ഭ​വ​ത്തി​നു ശേ​ഷം പ്ര​തി​ക​ൾ ക​ട​ന്നു​ക​ള​ഞ്ഞു. നി​ല​വി​ളി​കേ​ട്ടെ​ത്തി​യ അ​യ​ൽ​വാ​സി​ക​ളാ​ണ് നി​ധി​യെ ആ​ശു​പ​ത്രി​യി​ലെ​ത്തി​ച്ച​ത്.