മീററ്റിൽ നൂറോളം കുടിലുകൾ കത്തിനശിച്ചു

മീററ്റിലെ ജാഹിദ്പൂരിൽ നൂറോളം കുടിലുകൾ കത്തിനശിച്ചു. ഞായറാഴ്ച രാത്രിയായിരുന്നു സംഭവം നടന്നത്. ഒരു വിവാഹസംഘം അതുവഴി കടന്നുപോയ ശേഷമാണ് സംഭവം നടന്നതെന്ന് പ്രദേശവാസികൾ പറഞ്ഞു. വിവാഹാഘോഷത്തിൻറെ ഭാഗമായി പടക്കങ്ങളും മറ്റുമുണ്ടായിരുന്നു. ഇതിലൊരു പടക്കം കുടിലിന് മുകളിൽ വന്ന് വീണതാണ് തീപിടിത്തത്തിന് കാരണമെന്ന് പ്രദേശവാസികൾ പറയുന്നു. സംഭവത്തിൽ ആളപായമില്ല.

സംഭവം നടന്ന ഉടൻ തന്നെ പ്രദേശവാസികൾ പൊലീസിനെയും ഫയർഫോഴ്‌സിനെയും വിവരമിറിയിച്ചിരുന്നു. എന്നാൽ പൊലീസ് എത്തിയെങ്കിലും ഫയർഫോഴ്‌സ് എത്താൻ വൈകിയെന്നാണ് തീ പടരാൻ കാരണമായതെന്നാണ് പ്രദേശവാസികൾ പറയുന്നത്.