ലിഗയുടെ മരണം രാഷ്ട്രീയവല്‍ക്കരിക്കരുത്; അപേക്ഷയുമായി സഹോദരി

വിദേശ യുവതി ലിഗയുടെ മരണത്തെ രാഷ്ട്രീയവല്‍ക്കരിക്കരുതെന്ന് സഹോദരി ഇല്‍സി. പ്രതിപക്ഷ നേതാവ് രമേശ് ചെന്നിത്തലയെ കണ്ട ശേഷം മാധ്യമങ്ങളോട് സംസാരിക്കുകയായിരുന്നു അവര്‍. തന്നെ നേരില്‍ കാണാന്‍ എത്തിയ രാഷ്ട്രീയ പ്രവര്‍ത്തകര്‍ രാഷ്ട്ട്രീയ മുതലെടുപ്പിന് വേണ്ടിയാണ് വരുന്നതെന്ന് തോന്നിപ്പിക്കും വിധമാണ് അവരുടെ സംസാരമെന്ന് ഇല്‍സെ പറഞ്ഞു. സഹോദരിയുടെ മരണത്തെ ഒരു രാഷ്ട്രീയ ആയുധമായി കാണരുതെന്ന് അവര്‍ മാധ്യമങ്ങളോട് പറഞ്ഞു. ഇപ്പോള്‍ നടക്കുന്ന അന്വേഷണത്തില്‍ താന്‍ പൂര്‍ണ്ണ തൃപ്തയാണെന്ന് ഇല്‍സെ രാവിലെ പറഞ്ഞിരുന്നു.