സർക്കാർ സ്‌കൂളുകളിലെ വിദ്യാർഥികൾക്കുള്ള സൗജന്യ യൂണിഫോം വിതരണം ഈ മാസം

സർക്കാർ സ്‌കൂളുകളിലെ ഒന്ന് മുതൽ ഏഴ് വരെ ക്ലാസുകളിലെ നാലര ലക്ഷം വിദ്യാർഥികൾക്കുള്ള സൗജന്യ യൂണിഫോം വിതരണം ഈ മാസം പൂർത്തിയാകും. രണ്ട് ജോഡി യൂനിഫോമാണ് ഒരു വിദ്യാർഥിക്ക് നൽകുന്നത്.

വിവിധ നിറങ്ങളിലെ 23 ലക്ഷം മീറ്റർ തുണിയാണ് ഹാന്റക്‌സും ഹാൻവീവും ഇതിനായി തയ്യാറാക്കിയത്. തിരുവനന്തപുരം, കൊല്ലം, ആലപ്പുഴ, പത്തനംതിട്ട, ഇടുക്കി, കോട്ടയം, എറണാകുളം ജില്ലകളിൽ ഹാന്റക്‌സും മറ്റു ജില്ലകളിൽ ഹാൻവീവുമാണ് യൂനിഫോം തയ്യാറാക്കി വിതരണം ചെയ്യുന്നത്.

യൂണിഫോം തയ്യാറാക്കിയതിലൂടെ ഈ മേഖലയിൽ നിരവധി പേർക്ക് തൊഴിലവസരം ലഭിച്ചു. നാലായിരത്തിലധികം തൊഴിലാളികൾക്ക് നേരിട്ട് തൊഴിൽ ലഭിച്ചു. ആയിരം തറികൾ പുതുതായി സ്ഥാപിച്ചു. പൊതുമേഖലാ സ്ഥാപനങ്ങളാണ് നൂൽ ലഭ്യമാക്കിയത്.