കൃഷ്ണമൃഗ വേട്ടക്കേസ്; സൽമാൻ ഖാൻ സമർപ്പിച്ച അപ്പീൽ ജൂലൈ 17ലേക്ക് മാറ്റി

കൃഷ്ണമൃഗ വേട്ടക്കേസിൽ ബോളിവുഡ് നടൻ സൽമാൻ ഖാൻ സമർപ്പിച്ച അപ്പീൽ പരിഗണിക്കുന്നത് ജൂലൈ 17ലേക്ക് മാറ്റി. അഞ്ച് വർഷം തടവിന് വിധിച്ചതിന് എതിരെയാണ് സൽമാൻ ഖാൻ അപ്പീൽ നൽകിയത്.

ഏപ്രിൽ 5നായിരുന്നു സൽമാനെ കൃഷ്ണമൃഗ വേട്ടക്കേസിൽ കുറ്റക്കാരനെന്ന് കണ്ടെത്തി 5 വർഷം തടവ് ശിക്ഷ വിധിച്ചത്. ഇതേ തുടർന്ന് സൽമാൻ രണ്ട് ദിവസം ജയിലിൽ കഴിയുകയും ജാമ്യത്തിലിറങ്ങുകയുമായിരുന്നു.

1998 ൽ ഹം സാത്ത് സാത്ത് ഹേ എന്ന ചിത്രത്തിൻറെ ഷൂട്ടിംഗിനെത്തിയപ്പോഴായിരുന്നു സൽമാനും സംഘവും ചേർന്ന് കൃഷ്ണമൃഗത്തെ വേട്ടയാടിയത്.

blackbuck poaching case next hearing on july 17