ഡോ. ഇസിജി സുദര്‍ശന്‍ അന്തരിച്ചു

പ്രമുഖ ഊര്‍ജ്ജ തന്ത്രജ്ഞന്‍ ഡോ. ഇസിജി സുദര്‍ശന്‍ (86) അന്തരിച്ചു. അമേരിക്കയിലെ ടെക്‌സസിലായിരുന്നു അന്ത്യം. ഒന്‍പത് തവണ ഇദ്ദേഹത്തെ നൊബേല്‍ സമ്മാനത്തിനായി നാമനിര്‍ദേശം ചെയ്തിട്ടുണ്ട്. അമേരിക്കയിലെ ടെക്‌സാസ് യൂണിവേഴ്‌സിറ്റിയില്‍ അധ്യാപകനായിരുന്നു. തിയററ്റിക്കല്‍ ഫിസിക്‌സിന് അദ്ദേഹം നല്‍കിയ സംഭാവനകള്‍ വലുതാണ്. ക്വാണ്ടം ഒപ്‌ററിക്‌സിലായിരുന്നു അദ്ദേഹത്തിന്റെ പഠനങ്ങള്‍. പ്രകാശത്തേക്കാള്‍ വേഗമുള്ള ടാക്യോണ്‍ കണത്തിന്റെ സാന്നിധ്യം ആദ്യം പ്രവചിച്ചു. 1931 സെപ്റ്റംബര്‍ 16 ന് കേരളത്തിലെ പള്ളത്താണ് ജനനം. സിഎംഎസ് കോളെജ് കോട്ടയം, മദ്രാസ് ക്രിസ്ത്യന്‍ കോളെജ് എന്നിവിടങ്ങളിലായിരുന്നു വിദ്യാഭ്യാസം.