എഐസിസി ജനറല്‍ സെക്രട്ടറിയായി ഉമ്മന്‍ചാണ്ടി ചുമതലയേറ്റു

മുൻമുഖ്യമന്ത്രിയും മുതിർന്ന കോൺഗ്രസ് നേതാവുമായ ഉമ്മൻ ചാണ്ടി എഐസിസി ജനറൽ സെക്രട്ടറിയായി ചുമതലയേറ്റു. പാർട്ടി അധ്യക്ഷൻ രാഹുൽ ഗാന്ധിയുമായി ചർച്ച നടത്തിയ ശേഷമാണ് അദ്ദേഹം ചുമതലയേറ്റെടുത്തത്. ആന്ധ്രപ്രദേശിന്‍റെ ചുമതലയാണ് അദ്ദേഹത്തിനുള്ളത്. പുതിയ ദൗത്യം വെല്ലുവിളി നിറഞ്ഞതാണെന്നും സന്തോഷത്തോടെ ഏറ്റെടുക്കുന്നുവെന്നും ഉമ്മന്‍ചാണ്ടി പറഞ്ഞു. ആദ്യമായാണ് ഉമ്മന്‍ചാണ്ടി ദേശീയ നേതൃത്വത്തിലേക്ക് എത്തുന്നത്.