റെയിൽവേ ട്രാക്കിൽ മരം വീണു; ട്രെയിൻ ഗതാഗതം ഭാഗികമായി തടസ്സപ്പെട്ടു

കടലുണ്ടിക്കടുത്ത് ട്രാക്കിൽ മരം വീണതിനാൽ ഒരു ഭാഗത്തേക്കുള്ള ട്രെയിൻ ഗതാഗതം തടസ്സപ്പെട്ടു. കടലുണ്ടി ഗേറ്റിനും മണ്ണൂർ ഗേറ്റിനും ഇടയിലാണ് മരം വീണത്. രാവിലെ 6.15 ഓടെയാണ് സംഭവം. റെയിൽവേ വൈദ്യുതി ലൈനിന് മുകളിലാണ് മരം പൊട്ടിവീണത്.

കോഴിക്കോട് ഭാഗത്തേക്കുള്ള ട്രെയിനുകൾ അടുത്ത സ്‌റ്റേഷനുകളിൽ നിർത്തിയിട്ടിരിക്കുകയാണ്. എന്നാൽ അൽപ്പം വൈകിയാണെങ്കിലും ഷൊറണൂർ ഭാഗത്തേക്കുള്ള ട്രെയിനുകൾ യാത്ര തുടരുന്നുണ്ട്. തിരുവനന്തപുരം മംഗലാപുരം എക്‌സ്പ്രസ് ട്രെയിൻ വള്ളിക്കുന്ന് സ്റ്റേഷനിൽ നിർത്തിയിട്ടിരിക്കുകയാണ്.