കെഎസ്ആർടിസി ഇലക്ട്രിക്ക് ബസ് പരീക്ഷണയോട്ടം ആരംഭിച്ചു

കെഎസ്ആർടിസി ഇലക്ട്രിക് ബസ് പരീക്ഷണയോട്ടം ആരംഭിച്ചു. രാവിലെ 11 മണിക്ക് തിരുവനന്തപുരം സെൻട്രൽ കെഎസ്ആർടിസി ബസ് സ്റ്റേഷനിൽ നിന്ന് ഗതാഗത വകുപ്പ് മന്ത്രി എകെ ശശീന്ദ്രൻ ഫ്‌ളാഗ് ഓഫ് ചെയ്തു.

തമ്പാനൂരിൽനിന്ന് പട്ടം, മെഡിക്കൽ കോളേജ് വഴി കഴക്കൂട്ടം വരെയാണ് ഇലക് ട്രിക് ബസിന്റെ ആദ്യ സർവീസ്. തുടർന്ന് കിഴക്കേകോട്ട കോവളം, ടെക്‌നോപാർക്ക്, പാപ്പനംകോട് എന്നീ റൂട്ടുകളിലും സർവ്വീസ് ഉണ്ടാകും.

ഇലക് ട്രിക്ബസിന്റെ പരീക്ഷണയോട്ടം അഞ്ചുദിവസം തിരുവനന്തപുരത്തും പിന്നീട് അഞ്ചുദിവസം വീതം എറണാകുളം, കോഴിക്കോട് നഗരങ്ങളിലും നടത്തും. സിറ്റി എ സി ലോഫ്‌ളോർ ബസുകളുടെ നിരക്കാകും ഈടാക്കുക.