ജമ്മു കാശ്മീരിൽ ഏറ്റുമുട്ടൽ; മൂന്ന് ഭീകരരെ സൈന്യം വധിച്ചു

ജമ്മു കാശ്മീരിലുണ്ടായ ഏറ്റുമുട്ടലിൽ മൂന്ന് ഭീകരരെ സൈന്യം വധിച്ചു. ഭീകരരുമായുണ്ടായ ഏറ്റുമുട്ടലിൽ അഞ്ച് സൈനികർക്ക് പരിക്കേറ്റു. പുൽവാമയിലെ ത്രാലിൽ ഇന്നലെ രാത്രിയായിരുന്നു സംഭവം. ഒരു സിആർപിഎഫ് ജവാനും നാലും സൈനികർക്കുമാണ് പരിക്കേറ്റത്.

ജെയ്‌ഷെ മുഹമ്മദ് ഭീകരരാണ് കൊല്ലപ്പെട്ടത്. ഇതിൽ ഒരാൾ പാകിസ്ഥാൻ പൗരനും മറ്റ് രണ്ടുപേർ കാശ്മീർ സ്വദേശികളാണെന്നും പോലീസ് അറിയിച്ചു.

അതേസമയം, കാശ്മീരിലെ സൈനിക നടപടികൾ തുടരുമെന്ന് കരസേനാ മേധാവി ജനറൽ ബിപിൻ റാവത്ത് അറിയിച്ചു. സൈന്യത്തിന്റെ മേൽ രാഷ്ട്രീയ ഇടപെടലുകൾ ഇല്ലെന്നും അദ്ദേഹം അറിയിച്ചു.