പേടിയില്ല, ഇനിയും പ്രതികരിക്കും : പ്രകാശ് രാജ്

നിലപാടുകൾ ഇനിയും ഉറക്കെ പറയുമെന്നും വധഭീഷണിയെ ഭയക്കുന്നില്ലെന്നും നടൻ പ്രകാശ് രാജ്. ഗൗരി ലങ്കേഷിനെ കൊലപ്പെടുത്തിയവർ തന്നെയും കൊലപ്പെടുത്താൻ പദ്ധതിയിട്ടെന്ന വാർത്തയോട് പ്രതികരിക്കുകയായിരുന്നു അദ്ദേഹം.

ഗൗരിയുടെ ഘാതകർ പ്രകാശ് രാജിനെും ഇല്ലാതാക്കാൻ പദ്ധതിയിട്ടു എന്നാണ് പ്രത്യേക അന്വേഷണ സംഘത്തിൻറെ കണ്ടെത്തൽ. തൻറെ ശബ്ദം ഇനിയും കരുത്തോടെ ഉയരുമെന്ന് പ്രകാശ് രാജ് പറഞ്ഞു. ഭീരുക്കളേ വിദ്വേഷ രാഷ്ട്രീയവുമായി രക്ഷപ്പെടാമെന്ന് കരുതിയോ?’, പ്രകാശ് രാജ് ട്വീറ്റ് ചെയ്തു.