അമർനാഥിലേക്ക് പോയ 5 തീർത്ഥാടകർ മണ്ണിടിച്ചിലിൽ മരിച്ചു

അമർനാഥിലേക്ക് സന്ദർശനത്തിന് പുറപ്പെട്ട 5 തീർത്ഥാടകർ മണ്ണിടിച്ചിലിൽ പെട്ട് മരിച്ചു. നാല് പേരെ പരിക്കുകളോടെ ആശുപത്രിയിൽ പ്രവേശിപ്പിച്ചു. നാല് പുരുഷൻമാരും ഒരു സ്ത്രീയുമാണ് മരിച്ചത്. ജമ്മു കാശ്മീരിലെ ബരാരിമാർഗിന് സമീപമാണ് മണ്ണിടിച്ചിലിനെ തുടർന്ന് അപകടമുണ്ടായത്.

ബാൽറ്റലിലേക്ക് ഉള്ള വഴിയിൽ ബരാരി മാർഗിനും റെയിൽപത്രിക്കും ഇടയിലുള്ള സ്ഥലത്താണ് മണ്ണിടിച്ചിൽ ഉണ്ടായത്. അപകടത്തിൽ പരിക്കേറ്റവരെ രക്ഷാപ്രവർത്തകർ ആശുപത്രിയിൽ എത്തിച്ചു. സ്ഥലത്ത് പെയ്യുന്ന കനത്ത മഴയാണ് മണ്ണിടിച്ചിലിന് ഇടയാക്കിയത്.