വിദ്യാർത്ഥിനികളുടെ അടിവസ്ത്രത്തിന്റെ നിറം നിശ്ചയിച്ച് സ്‌കൂൾ അധികൃതർ

വിദ്യാർത്ഥിനികളുടെ അടിവസ്ത്രത്തിന്റെ നിറം നിശ്ചയിച്ച് സ്‌കൂൾ അധികൃതർ. പൂനെ എംഐടി സ്‌കൂൾ മാനേജ്‌മെന്റിന്റെ തീരുമാനങ്ങൾക്കെതിരെ പ്രതിഷേധത്തിലാണ് മാതാപിതാക്കൾ.

വിദ്യാർത്ഥിനികൾ ധരിക്കേണ്ട അടിവസ്ത്രത്തിന് വെള്ളയോ ചർമ്മത്തിന്റെ നിറമോ ആയിരിക്കണമെന്നാണ് അധികൃതർ ഉത്തരവിറക്കിയത്.

വിവരങ്ങൾ സ്‌കൂൾ ഡയറിയിൽ രേഖപ്പെടുത്തിയ ശേഷം മാതാപിതാക്കളോട് ഒപ്പിട്ടു നൽകാൻ ആവശ്യപ്പെടുകയായിരുന്നു. ഇതിനെതിരെയാണ് ശക്തമായ പ്രതിഷേധം ഉയർന്നത്. എന്നാൽ തീരുമാനത്തിൽ നിന്നു പിന്മാറാൻ അധികൃതർ തയാറായില്ല. ഇങ്ങനെ ഒരു നിർദേശം നൽകിയതിൽ തങ്ങൾക്ക് പ്രത്യേകം അജണ്ടകൾ ഒന്നുമില്ലെന്നും മുൻകാലങ്ങളിലുണ്ടായ ചില അനുഭവങ്ങളെ മുൻ നിർത്തിയാണ് ഇങ്ങനെ ഒരു നിർദേശം മുന്നോട്ടു വച്ചത് എന്നും എം.ഐ.ടി സ്‌കൂൾ ഡയറക്ടർ വ്യക്തമാക്കി.