പടക്കനിർമാണ ശാലയിൽ വൻ പൊട്ടിത്തെറി; 24 മരണം

മെക്‌സിക്കോയിൽ പടക്കനിർമാണ ശാലയിലുണ്ടായ പൊട്ടിത്തെറിയിൽ 24 പേർ മരിച്ചു. 49 പേർക്കു പരുക്കേറ്റു. ആദ്യത്തെ പൊട്ടിത്തെറിയെത്തുടർന്നു രക്ഷിക്കാൻ ഓടിയെത്തിയവർ തുടർ സ്‌ഫോടനങ്ങളിൽപ്പെടുകയായിരുന്നു.

തുടരെ നാലു സ്‌ഫോടനങ്ങളാണുണ്ടായത്. മരിച്ചവരിൽ നാലു പേർ അഗ്‌നിശമന സേന ഉദ്യോഗസ്ഥരാണ്, രണ്ടു പേർ പൊലീസുകാരും. ഒരു കുട്ടിയും മരിച്ചവരിൽപ്പെടുന്നു, പലരെയും തിരിച്ചറിയാൻ സാധിച്ചിട്ടില്ല. 17 പേർ സംഭവസ്ഥലത്തു തന്നെ മരിച്ചു. ഏഴു പേർ വിവിധ ആശുപത്രികളിൽ വച്ചാണു മരിച്ചത്. പരുക്കേറ്റവരിൽ ചിലരുടെ നില അതീവ ഗുരുതരമാണ്.