കൈലാസ യാത്രക്കിടെ കുടുങ്ങിയ എല്ലാ തീര്‍ത്ഥാടകരെയും രക്ഷപ്പെടുത്തി

കൈലാസ്-മാനസസരോവര്‍ യാത്രക്കിടെ കുടുങ്ങിയ മുഴുവന്‍ തീര്‍ത്ഥാടകരെയും രക്ഷപ്പെടുത്തിയതായി ഇന്ത്യന്‍ എംബസി അറിയിച്ചു. 1430 തീര്‍ത്ഥാടകരെയും രക്ഷപ്പെടുത്തി. 160 തീര്‍ത്ഥാടകരെ ഇന്നാണ് സുരക്ഷിത സ്ഥാനങ്ങളിലേക്ക് മാറ്റിയത്. ഹില്‍സ, സിമികോട്ട് എന്നിവിടങ്ങളില്‍ കുടുങ്ങിയവരെ ഇന്ത്യന്‍ അതിര്‍ത്തിക്ക് സമീപമുള്ള നേപ്പാള്‍ഗഞ്ച്, സുര്‍ക്കേത്ത് എന്നിവടങ്ങളിലേക്കാണ് മാറ്റിയത്. കാലവസ്ഥ പ്രതികൂലമായതിനെ തുടര്‍ന്നാണ് തീര്‍ത്ഥാടകര്‍ തിരിച്ചുവരാന്‍ സാധിക്കാതെ നേപ്പാളില്‍ കുടുങ്ങിയത്. തീര്‍ത്ഥാടകര്‍ തിരിച്ചു വരാന്‍ സാധിക്കാതെ അകപ്പെട്ട വിവരം ലഭിച്ച ഉടന്‍ തന്നെ ഇന്ത്യന്‍ എംബസി രക്ഷാപ്രവര്‍ത്തനങ്ങള്‍ ആരംഭിച്ചിരുന്നു.