ഗോദാവരിയില്‍ ബോട്ട് മുങ്ങി; കുട്ടികളടക്കം 15 പേരെ കാണാതായി

ആന്ധ്രാപ്രദേശില്‍ ഈസ്റ്റ് ഗോദാവരി ജില്ലയില്‍ യാത്രാബോട്ട് മുങ്ങി 15 പേരെ കാണാതായതായി റിപ്പോര്‍ട്ട്. നാല്‍പതോളം പേരുമായി യാത്ര ചെയ്ത ബോട്ടാണ് ഗൗതമി നദിയില്‍ മുങ്ങിയത്. യാത്രക്കാരിലേറെയും വിദ്യാര്‍ത്ഥികളാണെന്നാണ് റിപ്പോര്‍ട്ട്.

നദിയിൽ പാലം നിർമിക്കാനായി കെട്ടിപ്പൊക്കിയ തൂണുകളിലൊന്നിലിടിച്ചായിരുന്നു അപകടം. തുടർന്ന് ബോട്ട് മറിയുകയായിരുന്നു. പത്തു പേരെയെങ്കിലും പ്രദേശ വാസികൾ രക്ഷപ്പെടുത്തിയതായാണു വിവരം. മറ്റുള്ളവർക്കായി തിരച്ചിൽ ശക്തമാക്കി.