18
Sep 2019
Wednesday

പരാജിതനായി മോഡ്രിച്ച്; റഷ്യന്‍ ലോകകപ്പിന്റെ താരം ഈ ക്രൊയേഷ്യന്‍ നായകന്‍

മികച്ച താരം: 

റഷ്യന്‍ ലോകകപ്പിന്റെ മികച്ച താരമായി (ഗോള്‍ഡന്‍ ബോള്‍) ക്രൊയേഷ്യന്‍ നായകന്‍ ലൂക്കാ മോഡ്രിച്ചിനെ തിരഞ്ഞെടുത്തു. ഇത്തിരിക്കുഞ്ഞന്‍ രാജ്യത്തെ ലോകകപ്പിന്റെ ഫൈനല്‍ വരെ എത്തിച്ച പ്രകടനമാണ് മോഡ്രിച്ചിനെ മികച്ച താരമാക്കിയത്. മൂന്ന് ഗോളുകളാണ് താരം ഈ ലോകകപ്പില്‍ നേടിയത്. ഒരേസമയം, ഡീപ് മിഡ്ഫീല്‍ഡറായും മുന്നേറ്റ താരമായും അസാമാന്യ പ്രകടനമാണ് 32-കാരനായ മോഡ്രിച്ച് ഈ ലോകകപ്പില്‍ നടത്തിയത്.

മികച്ച യുവതാരം :

ഫ്രഞ്ച് താരം കെയ്‌ലിന്‍ എംബാപ്പെയാണ് ഈ ലോകകപ്പിലെ യുവതാരം. 19 വയസ് മാത്രം പ്രായമുള്ള എംബാപ്പെ നാല് ഗോളുകളാണ് ഈ ലോകകപ്പില്‍ സ്വന്തമാക്കിയത്.

ഗോള്‍ വേട്ടക്കാരന്‍:

ഏറ്റവും കൂടുതല്‍ ഗോള്‍ നേടിയ താരത്തിനുള്ള ഗോള്‍ഡന്‍ ബൂട്ടിന് ഇംഗ്ലീഷ് നായകന്‍ ഹാരി കെയ്ന്‍ അവകാശിയായി. ഇംഗ്ലണ്ടിന് വേണ്ടി ആറ് ഗോളുകളാണ് കെയ്ന്‍ സ്വന്തമാക്കിയത്. സെമി ഫൈനലില്‍ ക്രൊയേഷ്യയോട് തോറ്റാണ് ഇംഗ്ലണ്ട് പുറത്തായത്.

മികച്ച ഗോളി:

ബല്‍ജിയം ഗോള്‍ കീപ്പര്‍ തിബൂട്ട് കോര്‍ട്ട്വോയാണ് ലോകകപ്പിലെ മികച്ച ഗോള്‍ കീപ്പര്‍ ( ഗോള്‍ഡന്‍ ഗൗ). സെമി ഫൈനലില്‍ ഫ്രാന്‍സിനോട് തോറ്റായിരുന്നു ബല്‍ജിയം പുറത്തായത്. ടൂര്‍ണമെന്റിലുടനീളം മികച്ച സേവുകളുമായി കളം നിറഞ്ഞ ഗോളിയാണ് കോര്‍ട്ട്വോ.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top