ഇത് നടിപ്പിന്‍ നായകനോ? സൂര്യയുടെ ജന്മദിനത്തില്‍ ഒരു കട്ട ആരാധകന്റെ ഡബ്‌സ്മാഷ് വൈറല്‍

തമിഴകത്തിന്റെ സ്വന്തം നടിപ്പിന്‍ നായകന്‍ സൂര്യയുടെ 43-ാം ജന്മദിനമാണിന്ന്. ഫേസ്ബുക്ക് പോസ്റ്റുകളിലൂടെ പ്രിയ താരത്തിന്റെ ജന്മദിനം ആഘോഷിക്കുന്ന ആരാധകര്‍ക്കിടയില്‍ സനല്‍ ശിവരാം എന്ന ആരാധകന്‍ വ്യത്യസ്തനാകുന്നു. സൂര്യയുടെ പിറന്നാള്‍ ദിനം ഒരു ഡബ്‌സ്മാഷിലൂടെയാണ് ഈ യുവാവ് ആഘോഷമാക്കിയത്.

മിനിറ്റുകള്‍ക്കകം ഈ വീഡിയോ സോഷ്യല്‍ മീഡിയയില്‍ ശ്രദ്ധിക്കപ്പെട്ടു. സൂര്യയുടെ എക്കാലത്തെയും മികച്ച ചിത്രമായ വാരണം ആയിരത്തിലെ ഭാഗമാണ് സനല്‍ ഡബ്‌സ്മാഷിലൂടെ അവതരിപ്പിച്ചിരിക്കുന്നത്. സിനിമയെന്ന സ്വപ്‌നവുമായി നടക്കുന്ന ഈ യുവാവ് സോഷ്യല്‍ മീഡിയയില്‍ ശ്രദ്ധിക്കപ്പെട്ട പല ഡബ്‌സ്മാഷുകളും ഒരുക്കിയിട്ടുണ്ട്.