കണിച്ചുകുളങ്ങര കൊലക്കേസ്; ഒന്നാംപ്രതിയുടെ വധശിക്ഷ ഹൈക്കോടതി ഇളവ് ചെയ്തു

നാടിനെ നടുക്കിയ കണിച്ചുകുളങ്ങര കൂട്ടക്കൊലക്കേസില്‍ ഒന്നാം പ്രതിയായ ലോറി ഡ്രൈവര്‍ ഉണ്ണിയുടെ വധശിക്ഷ ഹൈക്കോടതി ഇളവ് ചെയ്തു. വിചാരണക്കോടതി വധശിക്ഷ വിധിച്ച ഒന്നാം പ്രതി ഉണ്ണിക്ക് ഹൈക്കോടതി 25 വര്‍ഷം കഠിന തടവാണ് വിധിച്ചത്. ശിക്ഷാ കാലയളവില്‍ പരോള്‍ നിഷേധിച്ചിട്ടുണ്ട്. 25 വര്‍ഷം കഴിഞ്ഞേ ഇളവുകള്‍ പരിഗണിക്കാവൂ എന്നും കോടതി നിര്‍ദ്ദേശിച്ചു.