ഇടമലയാർ അണക്കെട്ടിലെ രണ്ട് ഷട്ടറുകൾ ഇന്ന് അടച്ചേക്കും

ജലനിരപ്പ് നിയന്ത്രണ വിധേയമായതിനെ തുടർന്ന് ഇടമലയാർ അണക്കെട്ടിലെ രണ്ട് ഷട്ടറുകൾ ഇന്ന് അടച്ചേക്കും. 168.26അടിയാണ് ഇപ്പോൾ ഡാമിലെ ജലനിരപ്പ്. 169മീറ്ററാണ് പരമാവധി സംഭരണ ശേഷി. വൃഷ്ടിപ്രദേശങ്ങളിൽ മഴ കുറഞ്ഞതിനാൽ ഇങ്ങോട്ടുള്ള നീരൊഴുക്കും കുറഞ്ഞിട്ടുണ്ട്. ഇതിന്റെ പശ്ചാത്തലത്തിലാണ് രണ്ട് ഷട്ടറുകൾ അടയ്ക്കാൻ അധികൃതർ ഉദ്ദേശിക്കുന്നത്. നാല് ഷട്ടറുകളാണ് ഈ ഡാമിന് ഉള്ളത്. ഇതിൽ രണ്ട് ഷട്ടറുകൾ ഒരു മീറ്റർ വീതവും മറ്റ് രണ്ടെണ്ണം അരമീറ്റർ വീതവുമാണ് ഉയർത്തിയിരിക്കുന്നത്.