നഴ്സുമാരും ഒരു മാസത്തെ ശമ്പളം നല്‍കും

മുഖ്യമന്ത്രിയുടെ സാലറി ചലഞ്ച് ഏറ്റെടുത്ത് നഴ്സുമാരും. കേരളത്തെ പുനര്‍നിര്‍മ്മിക്കാന്‍ ഒരു മാസത്തെ ശമ്പളം നല്‍കുമെന്ന് നഴ്സുമാരുടെ സംഘടനയായ കേരള ഗവ.നഴ്സസ് അസോസിയേഷന്‍.  നിരവധി സംഘടനകള്‍ ഇതിനോടകം ഒരു മാസത്തെ ശമ്പളം നല്‍കുമെന്ന് വ്യക്തമാക്കി മുന്നോട്ട് വന്നിട്ടുണ്ട്. സാക്ഷരതാ മിഷനും ചലഞ്ച് ഏറ്റെടുത്തിട്ടു. സാക്ഷരത മിഷന്‍ ഡയറക്ടറും മുഴുവന്‍ ജീവനക്കാരും ഒരു മാസത്തെ ശമ്പളം മുഴുവന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുമെന്ന് അറിയിച്ചിട്ടുണ്ട്.