പുതിയ പാഠപുസ്‌തകങ്ങളുടെ വിതരണം രണ്ടാഴ്ചക്കകം: വിദ്യാഭ്യാസ മന്ത്രി

പ്രളയദുരന്തത്തെ തുടര്‍ന്ന് പാഠപുസ്‌തകങ്ങള്‍ നഷ്ടപ്പെട്ട വിദ്യാര്‍ത്ഥികള്‍ക്ക് പുതിയ പാഠപുസ്തകങ്ങള്‍ ഉടന്‍ വിതരണം ചെയ്യുമെന്ന് വിദ്യാഭ്യാസ മന്ത്രി സി. രവീന്ദ്രനാഥ് പറഞ്ഞു. പുതിയ പുസ്തകങ്ങള്‍ രണ്ടാഴ്ച്ചക്കകം പൂര്‍ത്തിയാക്കുമെന്ന് മന്ത്രി പറഞ്ഞു. 36 ലക്ഷം പാഠപുസ്തകങ്ങളുടെ അച്ചടി പൂര്‍ത്തിയായിട്ടുണ്ടെന്നും മന്ത്രി കൂട്ടിച്ചേര്‍ത്തു. സെപ്റ്റംബര്‍ മൂന്നിനകം സംസ്ഥാനത്തെ മുഴുവന്‍ സ്‌കൂളുകളും തുറക്കും. 211 സ്‌കൂളുകളാണ് ഓണം അവധിക്ക് ശേഷം ഇന്ന് തുറക്കാതിരുന്നത്.