പ്രളയബാധിത പ്രദേശങ്ങളില്‍ ജീവിത ശൈലീ രോഗങ്ങള്‍ നേരിടുന്നവര്‍ക്ക് സൗജന്യ ചികിത്സയുമായി സ്വകാര്യ ആശുപത്രികള്‍

പ്രളയബാധിത പ്രദേശങ്ങളില്‍ ജീവിതശൈലീ രോഗങ്ങള്‍ നേരിടുന്നവര്‍ക്ക് കൈതാങ്ങുമായി സ്വകാര്യ ആശുപത്രികള്‍. ഒരു മാസത്തെ സൗജന്യ ചികിത്സ നല്‍കാന്‍ സ്വകാര്യ ആശുപത്രികള്‍ സന്നദ്ധത പ്രകടിപ്പിച്ചു. ഈ ചികിത്സാ പദ്ധതിയുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. പ്രളയം ദുരിതംവിതച്ച പ്രദേശങ്ങളിലെ ജനങ്ങള്‍ക്ക് ആശ്വാസമേകാനാണ് സ്വകാര്യ ആശുപത്രികളും രംഗത്തെത്തിയിരിക്കുന്നത്. പ്രമേഹം, രക്തസമ്മര്‍ദ്ദം തുടങ്ങിയ ജീവിത ശൈലീ രോഗങ്ങള്‍ക്ക് ദീര്‍ഘകാലമായി മരുന്ന് കഴിക്കുന്നവര്‍ക്ക് പ്രളയദുരിതത്തെ തുടര്‍ന്ന് ഇത് മുടങ്ങിയിട്ടുണ്ടാകും. ചികിത്സാ രേഖകള്‍ മുടങ്ങിയവരും ഇക്കൂട്ടത്തിലുണ്ട്. അങ്ങനെയുള്ളവര്‍ക്ക് സഹായമാകുന്ന പദ്ധതിയാണ് സ്വകാര്യ ആശുപത്രികള്‍ മുന്നോട്ടു വെച്ചിരിക്കുന്നത്.