21
Feb 2019
Thursday
Kuttanadu

സൗദിക്ക് നേരെയുള്ള ഹൂത്തി മിസൈൽ വീണ്ടും സഖ്യസേന തകർത്തു; ഇന്ത്യക്കാരൻ ഉൾപ്പെടെ ഏഴ് പേർക്ക് പരിക്ക്

military intercept houthi missile targetting saudi

വ്യാഴാഴ്ച രാത്രി സൗദിയ്ക്ക് നേരെ യമനിലെ ഹൂത്തി ഭീകരവാദികൾ തൊടുത്തുവിട്ട മിസൈൽ അറബ് സഖ്യസേന തകർത്തതായി സഖ്യസേന വക്താവ് തുർക്കി അൽ മാലികി അറിയിച്ചു. രാത്രി 7:50 ന് സൗദിയുടെ തെക്കൻ അതിർത്തി പ്രദേശമായ നജ്‌റാന് നേരെയായിരുന്നു ആക്രമണം.

ആക്രമത്തിൽ ഒരു ഇന്ത്യക്കാരനും, രണ്ട് വനിതകൾ ഉൾപ്പെടെ നാല് സൗദികൾക്കും, രണ്ട് ബംഗ്ലാദേശി പൌരന്മാർക്കും പരിക്കേറ്റു. പരിക്ക് ഗുരുതരമല്ല. രണ്ട് വാഹനങ്ങളും രണ്ട് കടകളും നശിച്ചു. ലക്ഷ്യസ്ഥാനത്തു എത്തുന്നതിനു മുമ്പ്‌ മിസൈൽ തകർത്തെങ്കിലും തകർക്കപ്പെട്ട മിസൈല് പതിച്ചാണ് അപകടം ഉണ്ടായത്. ഇറാൻ പിന്തുണയോടെയാണ് ഹൂത്തി ഭീകരവാദികൾ ആക്രമണം തുടരുന്നതെന്ന് അൽ മാലികി ആവർത്തിച്ചു.

Top