അഭിമന്യു കൊലപാതകം; ഒരാൾകൂടി പിടിയിൽ

മഹാരാജാസ് കോളേജ് വിദ്യാർത്ഥി അഭിമന്യുവിനെ കൊലപ്പെടുത്തിയ കേസിൽ ഒരാൾകൂടി പിടിയിൽ. കൊലപാതകത്തിൽ നേരിട്ടു പങ്കെടുത്ത നെട്ടൂർ സ്വദേശിയും പോപ്പുലർഫ്രണ്ട് പ്രവർത്തകനുമായ അബ്ദുൾ നാസർനെയാണ് പോലീസ് പിടികൂടിയത്.

തമിഴ്‌നാട്ടിൽ ഒളിവിലായിരുന്ന ഇയാൾ നാട്ടിലേക്കുവരുംവഴി അങ്കമാലിക്കും ആലുവയ്ക്കും ഇടയിൽവച്ചാണ് പിടിയിലായത്. ഒളിവിൽ കഴിയുന്ന മറ്റു ചില പ്രതികളെക്കുറിച്ചുള്ള വിവരം ഇയാളിൽനിന്ന് ലഭിച്ചതായാണ് സൂചന. ഇതോടെ കേസിൽ അറസ്റ്റിലായവരുടെ എണ്ണം 18 ആയി. കേസിൽ 30 പ്രതികളാണുള്ളത്.