കൊച്ചിയിൽ ഒമ്പതുകാരിയെ പീഡിപ്പിച്ച ബിജെപി പ്രാദേശിക നേതാവ് അറസ്റ്റിൽ

കൊച്ചിയിൽ ഒമ്പതുകാരിയെ പീഡിപ്പിച്ച ബിജെപി പ്രാദേശികനേതാവ് അറസ്റ്റിൽ. മുളവുകാട് പണ്ടാരപ്പറമ്പിൽ കുഞ്ഞുമോൻ എന്ന ചന്ദ്രഹാസനെ (65)യാണ് മുളവുകാട് പൊലീസ് അറസ്റ്റ്‌ചെയ്തത്. കുട്ടിയെ ഇയാൾ നിരവധിതവണ പീഡിപ്പിച്ചതായി സംശയിക്കുന്നു. പെൺകുട്ടി അമ്മയോട് പറഞ്ഞതിനെത്തുടർന്നാണ് വിവരം പുറത്തറിഞ്ഞത്.

തുടർന്ന് പരാതി നൽകുകയായിരുന്നു. മുളവുകാട് പഞ്ചായത്തിലെ ബിജെപിയുടെ നേതാവായ ഇയാൾ കർഷക മോർച്ച വൈപ്പിൻ മണ്ഡലം വൈസ് പ്രസിഡന്റാണ്. പ്രതിക്കെതിരെ പോക്സോ നിയമം ചുമത്തി.