പോത്തുകല്ല് ഗ്രാമപഞ്ചായത്ത് ഭരണം എല്‍ഡിഎഫ് തിരികെ പിടിച്ചു

മലപ്പുറം പോത്തുകല്ല് ഗ്രാമപഞ്ചായത്ത് വീണ്ടും എല്‍ഡിഎഫ് ഭരണത്തിലേക്ക്. ചൊവ്വാഴ്ച നടന്ന പ്രസിഡന്റ് തിരഞ്ഞെടുപ്പില്‍ എല്‍ഡിഎഫ് പിന്തുണയോടെ മത്സരിച്ച സി. കരുണാകരന്‍ പിള്ള പ്രസിഡന്റായി തിരഞ്ഞെടുക്കപ്പെട്ടു. യുഡിഎഫ് സ്ഥാനാര്‍ത്ഥി സുലൈമാന്‍ ഹാജിയെ എട്ടിനെതിരെ ഒന്‍പത് വോട്ടുകള്‍ക്ക് പരാജയപ്പെടുത്തിയായിരുന്നു വിജയം. കോൺഗ്രസിന്റെ ജില്ലാ നേതാവും മുൻ പഞ്ചായത്ത് പ്രസിഡന്റുമായിരുന്ന കരുണാകരൻപിള്ള കോൺഗ്രസിൽ നിന്നും രാജിവച്ച് അടുത്തിടെ സിപിഐ എംൽ ചേർന്ന് പ്രവർത്തിക്കാൻ തീരുമാനിച്ചിരുന്നു.