മലകയറാൻ നാളെയെത്തുമെന്ന് മഞ്ജു

പ്രതികൂല കാലാവസ്ഥയായതിനാലാണ് ഇന്ന് മല കയറാതെ മടങ്ങിയതെന്നും നാളെ മലയറാൻ വീണ്ടും എത്തുമെന്നും മഞ്ജു. പോലീസ് മഞ്ജുവിന് സുരക്ഷ ഒരുക്കില്ലെന്ന് വ്യക്തമാക്കിയികുന്നു. എന്നാൽ പ്രതികൂല കാലാവസ്ഥയായതിനാലാണ് സുരക്ഷ ഒരുക്കാൻ കഴിയാഞ്ഞതെന്നാണ് മഞ്ജുവ്യക്തമാക്കുന്നത്. മുപ്പത്തെട്ട് വയസ്സുകാരിയായ മഞ്ജു കൊല്ലം കരുനാഗപ്പള്ളി സ്വദേശിനിയാണ്.ദളിത് മഹിളാ ഫെഡറേഷൻ സംസ്ഥാന പ്രസിഡന്‍റാണ് മഞ്ജു.

നാളെ രാവിലെ മഞ്ജുവിന് സുരക്ഷ ഒരുക്കുന്ന കാര്യം പരിഗണിക്കുമെന്നാണ് പോലീസ് അറിയിച്ചു. ഒപ്പം  മഞ്ജുവിന്‍റെ പൊതുജീവിതത്തിന്‍റെ പശ്ചാത്തലത്തെപ്പറ്റി അന്വേഷിക്കുകയാണെന്നും ഐജി അറിയിച്ചിരുന്നു. മഞ്ജു മലകയറുമെന്ന വാർത്ത പുറത്ത് വന്നതോടെ വൻ പ്രതിഷേധമാണ് കാനനപാതയിലും നടപന്തലിലും അരങ്ങേറിയത്.