പി.കെ ശ്രീമതിക്കെതിരെ മോശം പരാമര്‍ശം; ബി.ഗോപാലകൃഷ്ണനെതിരെ കേസ്

പി.കെ ശ്രീമതി എംപിക്കെതിരെ യുട്യൂബിലൂടെ മോശം പരാമര്‍ശം നടത്തിയ ബിജെപി സംസ്ഥാന നേതാവ് ബി. ഗോപാലകൃഷ്ണനെതിരെ കേസെടുത്തു. ബിജെപി സംസ്ഥാന സെക്രട്ടറി ബി. ഗോപാലകൃഷ്ണനെതിരെ ഐടി ആക്ട് പ്രകാരം കണ്ണൂര്‍ ടൗണ്‍ പോലീസാണ് കേസെടുത്തത്. ഉദയഭാരതം എന്ന യുട്യൂബ് ചാനലിലൂടെയാണ് ഗോപാലകൃഷ്ണന്‍ മോശം പരാമര്‍ശം നടത്തിയത്. സംഭവത്തില്‍ പി.കെ ശ്രീമതി എംപി കണ്ണൂര്‍ ടൗണ്‍ പോലീസില്‍ പരാതി നല്‍കിയിരുന്നു.