ജെറ്റ് എയർവെയ്‌സ് 10 വിമാനങ്ങൾ റദ്ദാക്കി

ജെറ്റ് എയർവെയ്‌സ് അപ്രതീക്ഷിതമായി 10 വിമാനങ്ങൾ റദ്ദാക്കി. മുംബൈ ഛത്രപതി ശിവജി മഹാരാജ് അന്താരാഷ്ട്ര വിമാനത്താവളത്തിൽ നിന്ന് പുറപ്പെടേണ്ടിയിരുന്ന 10 വിമാനങ്ങളാണ് ജെറ്റ് എയർവേയ്‌സ് റദ്ദ് ചെയ്തത്.

സാങ്കേതിക കാരണങ്ങൾ മൂലം സർവ്വീസ് നടത്താനാവില്ലെന്നാണ് അധികൃതർ യാത്രക്കാരെ അറിയിച്ചത്. ഞായറാഴ്ച വിവിധ സമയങ്ങളിലായി പുറപ്പെടേണ്ട 10 വിമാനങ്ങളാണ് റദ്ദ് ചെയ്യാൻ ജെറ്റ് എയർവേയ്‌സ് നിർബന്ധിതരായത്. സാങ്കേതിക കാരണങ്ങളെന്ന് അധികൃതർ
പറയുന്നതെങ്കിലും പൈലറ്റുമാരുടെ അപര്യാപ്തതയാണ് പ്രശ്‌നത്തിന് കാരണമെന്നാണ് എയർലൈൻ വൃത്തങ്ങൾ നൽകുന്ന സൂചന.

യാത്രക്കാർക്ക് പോകാനുള്ള പകരം സൗകര്യമോ നഷ്ടപരിഹാരമോ നൽകാൻ തയ്യാറാണെന്നും ജെറ്റ് എയർവേയ്‌സ് അറിയിച്ചു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top